جنوبی افریقہ میں بس کھائی میں گرنے کے سبب 45 افراد لقمہ اجل بن گئے، لاشوں اور زخمیوں کو اسپتال منتقل کر دیا گیا ہے۔
غیر ملکی ذرائع ابلاغ کے مطابق محکمہ ٹرانسپورٹ کے بیان میں کہا گیا ہے کہ حادثہ پہاڑی کے علاقے مماتلا کالا میں پیش آیا۔
پولیس نے بتایا کہ تیز رفتار بس موڑ کاٹتے ہوئے ڈرائیور سے بے قابو ہو کر کھائی میں جا گری۔ جس کے نتیجے میں ڈرائیور سمیت 45 افراد ہلاک ہوگئے۔ تاہم آٹھ سالہ لڑکی معجزانہ طور پر بچ گئی، جس کو زخمی حالت میں اسپتال منتقل کر دیا گیا۔
اس سے قبل امریکی شہر بالٹی مور میں بحری جہاز کا پُل سے ٹکرانے کا خوفناک واقعہ پیش آیا جس میں 6 افراد ہلاک ہوگئے۔
رپورٹ کے مطابق امریکی ریاست میری لینڈ کے شہر بالٹی مور کے مشہور پل سے کارگو شپ ٹکرانے کے باعث پل زوردار دھماکے سے ٹوٹ گیا۔
اجتماعی قبر سے ایک ہزار ڈھانچے دریافت، ماہرین دنگ رہ گئے
کارگو شپ کے ٹکرانے سے پل کا بڑا حصہ ٹوٹ کر دریا میں جاگرا جبکہ مال بردار بحری جہاز میں بھی آگ لگ گئی۔ اور کارگو شپ دریا میں ڈوب گیا۔
